Молитва 1-я митрополита Новгородского и Петербургского Григория[1]
Помяни́, Человеколю́бче Го́споди, ду́ши отше́дших раб Твои́х — младе́нцев, ко́и во утро́бе правосла́вных их матере́й у́мерли неча́янно от неве́домых де́йствий, и́ли от тру́дного рожде́ния, и́ли от не́коей неосторо́жности, и потому́ не при́няли Свята́го Та́инства Креще́ния! Окрести́ их, Го́споди, в мо́ре щедро́т Твои́х и спаси́ неизрече́нною Твое́ю благода́тию. Ами́нь.
Молитва 2-я о мертворожденном младенце святителя Стефана Вифлеемского
Го́споди, поми́луй ча́д мои́х, уме́рших во утро́бе мое́й! За ве́ру и сле́зы мои́, ра́ди милосе́рдия Твоего́, Го́споди, не лиши́ и́х све́та Твоего́ Боже́ственнаго!
Молитва 3-я
Влады́ко, Го́споди Иису́се Христе́, Бо́же наш, Бо́же духо́в и вся́кия пло́ти, И́же от Ду́ха Свя́та и Мари́и Де́вы роди́выйся и в верте́пе и я́слех возлеги́й ра́ди спасе́ния ми́ра, Ты еси́ призва́вый де́ти и объе́мый сия́ и реки́й: “Оста́вите дете́й приходи́ти ко Мне и не возбраня́йте им, таковы́х бо есть Ца́рствие Небе́сное”. Ты еси́ прише́дый и исцеля́яй вся́кий неду́г в лю́дех, и Твое́ю сме́ртию смерть попра́вый, дарова́в ми́рови жизнь. Тебе́ мо́лимся и Тебе́ про́сим, при́зри на рабы́ Твоя́ и на достоя́ние Твое́, и плач их ско́рбный о безвре́меннем преселе́нии новорожде́ннаго младе́нца их (имя) укроти́ и утеше́ние им да́руй. А и́же от них рожде́ннаго младе́нца и не прие́мшаго Свята́го Креще́ния бла́гости Твоея́ сподо́би. Я́ко Ты еси́ поко́й душа́м и телесе́м на́шим, Христе́ Бо́же наш, и Тебе́ сла́ву возсыла́ем со Безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в. Ами́нь.
[1] Григорий (Постников) (01.11.1784–17.06.1860), митрополит Новгородский, Санкт-Петербургский, Эстляндский и Финляндский, член Святейшего Синода. Проповедник, богослов, исследователь и борец со старообрядчеством. Основоположник церковной периодической печати в России.
Поминание некрещеных за православным богослужением невозможно. Однако нет никакого запрета молиться за усопших некрещеных чад в своей домашней, так называемой келейной молитве.