Пресвятáя Влады́чице моя́ Богорóдице, святы́ми Твои́ми и всеси́льными мольбáми отжени́ от менé смирéннаго и окая́ннаго рабá Твоегó уны́ние, забвéние, неразу́мие, нерадéние, и вся сквéрная, лукáвая и ху́льная помышлéния от окая́ннаго моегó сéрдца и от помрачéннаго умá моегó; и погаси́ плáмень страстéй мои́х, я́ко нищ есмь и окая́нен. И избáви мя от мнóгих и лю́тых воспоминáний и предприя́тий и от всех дéйств злых свободи́ мя. Яко благословéна еси́ от всех родóв, и слáвится пречестнóе и́мя Твоé во вéки векóв. Ами́нь.