Песнь степе́ней, 120
Возведо́х о́чи мои в го́ры, отню́дуже прии́дет по́мощь моя. По́мощь моя от Господа, сотво́ршаго не́бо и зе́млю. Не даждь во смяте́ние ноги́ твоея, ниже́ воздре́млет храня́й тя, се не воздре́млет, ниже́ у́снет храня́й Изра́иля. Господь сохрани́т тя, Господь покро́в твой на ру́ку десну́ю твою. Во дни со́лнце не ожже́т тебе́, ниже́ луна́ но́щию. Господь сохрани́т тя от вся́каго зла, сохрани́т ду́шу твою Господь. Господь сохрани́т вхожде́ние твое и исхожде́ние твое, от ныне и до века.